филиал вгтрк государственная телерадиовещательная компания “Алания”

Æрыдоны райдыдта Фæскомцæдисон парчы рацарæзт. Уый тыххæй йæ Telegram-каналы фехъусын кодта республикæйы Сæргълæууæг Сергей Меняйло. Ног фæлладуадзæн зонæйы скæндзысты къахвæнадаг, сæрмагонд нарæг фæндæгтæ, бандæттæ æмæ нырыккон рухсгæнæн системæ, стæй фонтан, сывæллæттæн бирæвæрсыг ирхæфсæн фæз æмæ спортæй архайынæн зонæ. Фæзындзæн дзы, велосипедтæ прокаты кæм дæтдзысты, ахæм бынат, стæй хæринаггæнæн зонæ. Аивгæнæн куыстытæ цæуынц национ проект «Цæрæнуæттæ æмæ горæты тыгъдад»-ы фæлгæты.  Специалисттæ куыд зæгъынц, афтæмæй куыстытæ фæуыдзысты афæдзы кæронмæ.