Районы хъæууон хæдзарады управленийы куыд зæгъынц, афтæмæй 2 мин гектары бапырх кодтой химион буаргъæдтæй, фæлæ дарддæры куыст къуылымпы кæны, техникæ кæй нæ фаг кæны, стæй сæ цæмæй пырх кодтой, уыцы хъацæнтæ дæр кæй фæзынаргъ сты
Æрыдоны районы нартхоры быдырты 65%, уый та у 11 мин гектары, хъыгдард байæфтой зианхæссæг гæлæбуты кæлмытæй. Районы хъæууон хæдзарады управленийы куыд зæгъынц, афтæмæй 2 мин гектары бапырх кодтой химион буаргъæдтæй, фæлæ дарддæры куыст къуылымпы кæны, техникæ кæй нæ фаг кæны, стæй сæ цæмæй пырх кодтой, уыцы хъацæнтæ дæр кæй фæзынаргъ сты. Нæ сæ уадзы боныхъæд дæр. Зинахæссæг гæлæбу – Хлопковая Совка, нæ республикæйы фæзынд 50-йæм азты. Уæд снысан кодтой Мæздæджы бæмбæджы куыст кæнын. Фæстаг азты ацы гæлæбуйы хуыз парахат кæй кæны, уымæн та аххосаг у хъарм зымæг æмæ сæрды тæвд бонтæ. Специалисттæ куыд зæгъынц, афтæмæй Совкæйы бон у 3 мин километры тæхын. Сæ къуыдыр кæлмытæ хæрынц 120 зайæгойты 120 хуызы, уыимæ фылдæр нартхор, уæлдайдæр та июлы дыккаг æмбис.
