Уыимæ уыцы куыстыл сæхи бафтыдтой зæрдæхæлар адæм дæр
Æрыдоны районы рынчындонæн баххуыс кæныны нысанимæ, Цæгат Кавказы аграрон технологон колледжы æрмадзы райдыдтой хи хъахъхъæнæн маскæтæ хуыйын. Уыимæ уыцы куыстыл сæхи бафтыдтой зæрдæхæлар адæм дæр. Иумæ фæллой кæнынц æрыгон специалисттæ æмæ пенсийы ацæуыны агъоммæ кары адæм дæр.
Гайты Луизæ йæ дæсныйадмæ гæсгæ у флорист. Дидинджытæй аразы цымыдисаг букеттæ. Фæлæ ныртæккæ сфæнд кодта йæ дæсныйад хуыйæгмæ раивын. Афтæмæй сылгоймаг бацыд Æрыдоны технологон колледжы æрмадзмæ. Уым бынæттон рынчындонæн хуыйынц медицинон маскæтæ.
Раздæр хуыйыны куыст кодтой студенттæ. Уый фæстæ сæ раивтой, пенсийы рацæуыны агъоммæ кары адæм. Уыдон колледжы ацыдысты сæрмагонд курсытæ,
Дохтыртæн маскæтæ хуыйынц 12 цъарæй, 6 цъарæй та – рынчындоны иннæ кусджытæн. Куысты уæлхъус 10 адæймаджы. Хуыйыны технологи кусы иттæг хорз. Рæхджы3000 хъахъхъæнæн маскæйы балæвар кæндзысты Æрыдоны районы рынчындонæн.
