Ног трассæ фадат ратдзæн хъæуккаг уынгтæ транзитон транспортæй фæрогдæр кæнынæн.
Æрыдоны районы та дарддæр цæуынц Мичуриныхъæуы иувæрсты цæуæг фæндагыл цалцæггæнæн куыстытæ. Ног трассæ фадат ратдзæн хъæуккаг уынгтæ транзитон транспортæй фæрогдæр кæнынæн.
Уæвгæ, Мичуриныхъæуы иувæрсты цæуæг ног фæндаджы дæргъ у 6 километрмæ ввахс. Фæндаггон кусджытæ фæллой кæнынц райсомæй изæрдалынгты онг. Ныртæккæ Фыййагдоны цæугæдоны сæрты бындур æвæрынц ног хидæн.
Куыстытæ цæуынц рæвдз. Фæндаггон кусджытæ уыцы-иу рæстæг архайынц 5 объектыл. Уыимæ пайда кæнынц æппæт хъæугæ техникæйæ. Уыдзæн фыццаг категорийы фæндаг. Йæ уæрхмæ гæсгæ дзы уыдзæн дыууæрдæм цæуæг дыууæ фарсы.
Республикæйы алы районты, уæлдайдæр та бирæ транспорт кæм фæцæуы, ахæм хъæуты алыварс скодтой фæндæгтæ. Уый у национ проект «Автомобилон фæндæгты рæзты» иу хай. Кæронмæ йæ фæуынмæ хъавынц 2021-æм азы.
