20 апреля 2023, 11:19
Æрыдоны районы центрон рынчындоны байгом медицинон æркасты уæлæмхасæн пункт
Лабораторийы рабæрæг кæнæн ис адæймаджы буары хъæбæрнозт кæнæ психоактивон препараттæ ис, æви нæ, уый
Æрыдоны районы центрон рынчындоны байгом медицинон æркасты уæлæмхасæн пункт. Лабораторийы рабæрæг кæнæн ис адæймаджы буары хъæбæрнозт кæнæ психоактивон препараттæ ис, æви нæ, уый. Пункт байгом кодтой республикæйы наркологон диспансеры бындурыл барадхъахъхъæнынады оргæнты æмгуыстадæй. Ног къуыри ма ахæм пункт байгом кæндзысты Мæздæджы районы дæр. Ивгъуыд къуырийы республикæйы паддзахадон автоинспекцийы кусджытæ æрцахстой 104 нозтджын шофыры. Бафхæрдтой сæ административон æгъдауæй, хъуыддæгтæ та лæвæрд æрцыдысты тæрхондонмæ. Ныр барадхалджытæн 2 азы æмгъуыдмæ ист æрцæудзысты се вдисæндартæ, стæй бафиддзысты фæйнæ 30 мин сомы ивар.
