Æнæхъæн къуыри зындгонд эксперттæ сæ фæлтæрддзинадимæ зонгæ кодтой фæсивæды
Æрыгон политологты форум «Дигория» йæ куыст фæци. Æнæхъæн къуыри зындгонд эксперттæ сæ фæлтæрддзинадимæ зонгæ кодтой фæсивæды. Проекты архайдтой бæстæйы 55 регионы 150 минæвары. Се хсæн ахуыргæндтæ, политиктæ. Форумы программæ уыдис цымыдисаг æмæ ахадгæ. Æрыгон политологты размæ вæрд уыди ахсджиаг хæс- политикæ æмæ паддзахадон разамонджытæ се ргом цæмæ раздахой, ахæм ног гæнæнтæ равдисын, стæй ахадгæ æмгуыстадæн фæндаггон картæ скæнын. Ахуырадон программæйы фæлгæты бæстæйы хуыздæр ахуыргæнæндæтты лектортæ скодтой семинартæ. Эксперттæ сæ цæстæнгас равдыстой Уæрæсейы политикон процессы хицæндзинæдтæм. Фæсивæды ахуыр кодтой абоны политикон практикæйы æцæгдзинæдты æнæмæнг чи хъæуы, ахæм теоретикон модельтæй пайда кæнын. Ахуыргæндты хъуыдымæ гæсгæ, ахæм хуызы мадзæлттæ æрыгон политологтæн фадат ратдзысты бæстæйы актуалон политикон системæмæ хи цæстæнгас дарыныл. Форумы хатдзæгтæм гæсгæ конд æрцæудзæни ацы дæсныйады сусæгдзинæдтæ дарддæр чи иртасдзæн, ахæм специалистты командæ. Ам цы зонындзинæдтæ райстой, уыдоны бындурыл та сæххæст кæндзысты практикон хæслæвæрдтæ.
