Уыцы тох сси Фыдыбæстæйы Стыр хæсты егъаудæр æмæ тугкалгæдæртæй иу
Æстай дыууæ азы размæ райдыта Кавказ суæгъд кæныныл хæст. Уыцы тох сси Фыдыбæстæйы Стыр хæсты егъаудæр æмæ тугкалгæдæртæй иу. Сырх Æфсад æмæ немыцы хсæн ныхмæлæуд ахаста 442 боны æмæ фæци 1943-æм азы, 9-æм октябры. Уæд Гитлеры æфсæдты ратардтой Советон Цæдисы хуссар регионтæй. Историкты хъуыдымæ гæсгæ, Кавказыл тох нымад у, Фыдыбæстæйы Стыр хæсты цыд бындуронæй чи аивта, ахæмыл. Сталинграды фæуæлахизы фæстæ Сырх Æфсад райдыдта бырсын. Иугай дыгай уæгъд кодтой, немыцы къæлæты цы горæттæ уыдысты уыдон — Налцыкк, Дзæджыхъæу, Стъарапол, Майкъоп. Кавказы хæсты фесгуыхтысты цæгатирыстойнаг хæстонтæ дæр. Уыдонимæ Дзусты Ибрагим,Къоблаты Сергей, Виктор Коняев, Бæтæгаты Султанбег æмæ æндæртæ.
![Соц Сети Соц Сети](https://alaniatv.ru/wp-content/uploads/2019/01/Alania_TG_1140x151.gif)