Спикертæ радзырдтой, æвзарæн кампанийы рæстæг техникон нæ, фæлæ барадон æгъдауæй куыд кусын хъæуы, уый тыххæй
Æвзæрстытæм цæстдарджытæн ахуырадон семинар арæзт æрцыд квалификаци бæрзонддæр кæныны республикон институты. Спикертæ радзырдтой, æвзарæн кампанийы рæстæг техникон нæ, фæлæ барадон æгъдауæй куыд кусын хъæуы, уый тыххæй. Цæгат Ирыстоны паддзахадон университеты барады æмæ паддзахады историйы æмæ теорийы кафедрæйы доцент Калманты Альбинæ куыд загъта, афтæмæй æвзæрстыты архайджытæ хъуамæ æххæст кæной æрмæст закъон нæ, фæлæ ма этикон домæнтæ дæр, хъæлæс кæныны процесс та хъуамæ уа легитимон. ЦИПУ-йы психологийы кафедрæйы доцент Гусаты Альбинæ радзырдта, тыхст уавæрты хи дарын куыд хъæуы, уый тыххæй. Сæйраг æвзарæн къамисы секретарь Дзгойты Иринæ та бæлвырд æрлæууыд, хайæдты куыст куыд арæзт уыдзæн, ууыл. Цæстдарджытæн радтой сæ барты æмæ хæсты номхыгъдимæ гæххæттытæ.
