Сты æппæт республикæйы районтæй. Ард бахордтой кадджын уавæры
Æвзонг æфсæддонты рæнхъытæ фæфылдæр сты 200 скъоладзауæй. Сты æппæт республикæйы районтæй. Ард бахордтой кадджын уавæры. Сæрмагод риуылдаргæ нысантæ сын радтой республикæйы ветеранты Советы сæрдар Фриаты Хъазыбег, Уæрæсейы хъæбатыр Андрей Днепровскийы мад Татьяна Днепровская æмæ фæсивæды хъуыддæгты фæдыл комитеты сæрдар Джусойты Руслан. Афæдзы кæронмæ ма æвзонг æфсæддонтæ суыдзысты ноджыдæр 200 лæппуйы. Змæлды архайджытæ кусдзысты волонтертимæ, архайдзысты культурон спортивон мадзæлтты. Змæлды сæйраг хæс у, рæзгæ фæлтæры Уæрæсейы историмæ сразæнгард кæнын. Æвзонг æфсæддонты рæнхъыты Цæгат Ирыстонæй ис 18 мин скъоладзауы. Алы скъолайы дæр ис хицæн къордтæ. Нæ республикæ æппæт Уæрæсейы рейтинджы ис 2-аг бынаты.
