Кæм цæ æрбынæттон кæндзысты, уыцы регионты хсæн ис Цæгат Ирыстон дæр. Уый тыххæй абон республикæйы хицауады æмбырды фехъусын кодта вице-премьер Зæнгионты Виталий.
Ныры онг Цæгат Ирыстоны бюджетæй лыгъд адæмæн баххуыс кæнынæн хардзгонд æрцыд 4 милуан сомы.
Уымæй уæлдай ма абон хицауады æмбырды сфидар кодтой Украинæйæ ралидзæг адæмæн рæстæгмæйы цæрæн бынæттæ кæм лæвæрд цæудзысты, уый. Зæнгионты Виталий куыд загъта, афтæмæй сбæрæг кодтой 5 бынаты, æрцæрдзысты дзы 200 адæймаджы.
Хицæн ныхас уыд Олимпаг резервы сывæллæтты спортивон скъолаты рæзтыл. Уыцы хъуыддагæн федералон бюджетæй радих кодтой 7 милуан сомы. Æмбырды сфидар кодтой бæлвырд мадзæлтты пълан.
Уымæй уæлдай сбæрæг кодтой инвалидты æмæ æнахъом сывæллæтты хъуамæ куыстмæ чи иса, уыцы куыстуæтты æмæ организациты номхыгъд. Æдæппæтæй сты 620. Абон ма министртæ æрныхас кодтой экономикон форум «Сочи 2014»-мы архайыны фæтк.
