Афæдзы райдианæй нырмæ республикæйы фадынæгæй фæрынчын 70 адæймагæй фылдæр. Фæлхасгæнджыты бартæм цæстдарды управленийы куыд зæгъынц, уымæ гæсгæ уый уымæн у,
50-æм скъолайы медицинон кабинеты иу бонмæ уыйбæрц адæм рагæй нæ уыд. Дзæуджыхъæуы 1-æм поликлиникæйы медицинон хо Цыбырты Наидæ куыд зæгъы, афтæмæй фæззæджы ам вакцинаци ацæуыныл æрмæстдæр цалдæрæй сразы сты. Ныр фадынæджы ныхмæ прививкæтæ скодтой 36 адæймаджы. Уый уымæн, æмæ скъолайы кусджытæй иумæ рабæрæг ацы вирус. Ахуыргæнæндоны куыд зæгътой, афтæмæй сæм хистæр кары адæймаг фыццаг хатт фæрынчын фадынæгæй.
Бибылты Людмилæ, Дзæуджыхъæуы 50-æм скъолайы директоры хæдивæг: «Хъуыды йæ кæнын, иу 2 азы размæ ма цыдæр техникумы фæрынчын, уæд дæр нæм æрбацыдысты дохтыртæ. Фæлæ нæхи скъолайы, фыццаг хатт фехъуыстон, цæмæй ахæм кары фæрынчын уа сылгоймаг уыцы низæй. Сывæллæттæн дæр райдайдзысты кæнын, кæмæн нæма скодтой, уыдонæн. Мæнмæ гæсгæ уыцы иммунизаци хъæуы, фыццаджыдæр, ахуыргæнджыты, цæмæй сывæллæтты ма фæрынчын кæной, уый тыххæй».
Афæдзы райдианæй республикæйы фадынæгæй фæрынчын сты 70 адæймагæй фылдæр. Фæлхасгæнджыты бартæм цæстдарды цæгатирыстойнаг управленийы куыд зæгъынц, афтæмæй эпидемийæ тæссаг нæу, фæлæ уæддæр хъæуы бацархайын хи бахъахъхъæныныл.
Отараты Нелли, Фæлхасгæнджыты бартæм цæстдарды цæгатирыстойнаг управленийы хайады хицау: «Фадынæг ис сывæллæттæм дæр æмæ хистæртæм дæр. Фæлæ хистæртæ `хсæн ацы аз рынчынтæ фылдæр ис». 8.25-8.38 «Вакцинæ ис. Алкæмæндæр йæ бон у скæнын 2 хатты, цæмæй ма рынчын кæной сывæллæттæ æмæ хистæртæ».
Дохтырты ныхæстæм гæсгæ ахæм уавæр ис, адæм афойнадыл прививкæтæ кæй нæ кæнынц, уымæ гæсгæ. Вакцинаци ацæуын кæмæн æмбæлы, уыцы 15 мин адæймагæй прививкæтæ скодтой 6 минæй чысыл фылдæр.
Инфекцийæ хи бахъахъхъæнын ис æрмæстдæр иммунизацийы фæрцы. Прививкæтæ кæнын хъæуы æнæмæнг 2 хатты. Сывæллæттæн сæ скæнынц афæдз æмæ сыл 6 азы куы сæххæст вæййы, уæд. 35 азы онг кæуыл цæуы, уыцы адæмæн та дыккаг прививкæ скæнынц 3 мæйы фæстæ.
Дохтыртæ ма æмбарын кæнынц, фадынæгæй рынчын адæммæ хæстæг чи уыдис, уыдон цыфæнды кары куы уой, уæддæр хъуамæ скæной прививкæтæ.
Хъайтмазты Дзерассæ
