Сергей Меняйло куыд фехъусын кодта афтæмæй фæстаг æртæ азмæ регионы сарæзтой 77 станцæйы, 400 станцæйы та баххæст кодтой нырыккон домæнтæм гæсгæ
Афæдзы кæронмæ хæрзхъæд интернет æмæ мобилон бастдзинад фæзындзæн Хохы Саниба æмæ Махческы. Сергей Меняйло куыд фехъусын кодта афтæмæй фæстаг æртæ азмæ регионы сарæзтой 77 станцæйы, 400 станцæйы та баххæст кодтой нырыккон домæнтæм гæсгæ. Нæ республикæйы хъæутæн сæ нæуæдз аст проценты ис интернет. Уый фæрцы дæрддзæф æмæ зын бацæуæн хъæуты амбулаториты ис пайда кæнын телемедицинæйы авналæнтæй, скъолаты та нырыккон ахуырадон технологитæй. Нымæцон министрады фæрцы социалон лæггæдтæн сæ фылдæр ракодтой электрон хуызмæ. Сергей Меняйло куыд бахахх кодта, афтæмæй республикæ дарддæр дæр фæнд кæны нымæцон рацарæзтыл кусын.
