филиал вгтрк государственная телерадиовещательная компания “Алания”

Афæдзы райдианæй Цæгат Ирыстоны 250 мин адæймаджы онг ацыдысты диспансеризаци. Уый тыххæй йæ телеграм-каналы фехъусын кодта республикæйы сæргълæууæг Сергей Меняйло. Ахæм æркастыты фæрцы дохтыртæ рагагъоммæ рабæрæг кæнынц æмæ дзæбæх кæнынц низтæ. Ацы куысты активонæй архайынц цæугæ комплекстæ. Æдзух ацæуынц республикæйы æппæт районтæм. Ис дзы скæнын флюроографи, маммографи, электрокардиограммæ, ацæуын терапевты, офтальмологы æмæ æндæр специалистты æркаст. Уæлдай æнцонвадат ацы хъуыддаг у дæрддзæф хъæуты цæрджытæн. Æппæт процедурæтæ дæр сты лæвар. Куыст æххæстгонд цæуы нацпроект «Дæргъвæтин æмæ активон цард»-мæ гæсгæ.