Йæ программæмæ хаст æрцыдысты ахуыртæ химийæ, экологийæ æмæ спорты хуызтæй
Сæрдыгон каникулты *рцыдмæ сывæллæттæ тынг фæбæллынц, фæлæ се *ппæт нæ. Ахуырадон центр «Вершинæ»-йы райдыдта скъоладзауты æппæтуæрæсеон олимпиадæмæ цæттæ кæныны рæстæг. Йæ программæмæ хаст æрцыдысты ахуыртæ химийæ, экологийæ æмæ спорты хуызтæй. Олимпиадæйы хæслæвæрдтæ скъоладзаутæ æххæст кæндзысты фæлтæрдджын ахуыргæнджытимæ. Бæстондæр радзурдзæн Чехойты Фатимæ.
Сæ къухты телефонты бæсты тетрæдтæ, кæсгæ та кæнынц интерактивон фæйнæгмæ… Сæрдыгон уæгъд рæстæг дæр ацы сывæллæттæн сæ ахуырадон процесс не *рлæууыд. Афтæ хуыздæр у, зæгъынц сæхæдæг. Цы арф зонындзинæдтæ райсой, уыдон сын пайда уыдзысты фидæны. Бирæтæн ацы ахуырадон программæ фыццаг нæу.
Лекцитæ æмæ практикон ахуыртæ цæуынц физкультурæйæ, химийæ æмæ экологийæ. Сæйрагдæр у сывæллæтты сцымыдис кæнын, æмæ цы зонындзинæдтæ райсой, уыдон практикон æгъдауæй ныффидар кæнын, зæгъынц методисттæ.
Скъоладзаутæн сæ зонындзинæдтæ æнæвгъауæй æрмæст ахуыргæнджытæ нæ лæвар кæнынц, фæлæ студенттæ дæр. Афтæмæй уыдон райсынц ног фæлтæрддзинад.
Цæмæй сывæллæттæн хорз бæрæггæнтæ уа, уый тыххæй ахуырадон программæмæ алы аз дæр баххæсынц ивддзинæдтæ. Афтæ, ног хуызы райдыдтой физкультурæ амонын. Ацы предмет олимпиадæйы рæстæг æппæтæй фылдæр архайджытæ сæмбырд кæны.
Сæрдыгон ахуыртæ «Вершинæ»-йы рагæй систы традицион. Сывæллæттæн фадат дæттынц æрмæст сæ зонындзинæдтæ фæуæрæхдæр кæнынæн нæ. Ам цы хорз æнкъарæнтæ райсынц, уыдон сын фæстæдæр свæййынц æхсызгон мысинæгтæ.
