филиал вгтрк государственная телерадиовещательная компания “Алания”

Ахуырады информацион технологитæ фæлвардзысты Цæгат Ирыстоны. Уымæн æмæ сын нæ республикæйы ис æмбæлгæ инновацион фæзуат. Уый тыххæй ныхас цыд сæрмагонд æмбырды. Архайдтой дзы Цæгат Ирыстоны ахуырады æмæ наукæйы министр Огъуаты Алан, ахуырады къабазмæ цæстарæг егъау федералон комапниты минæвæрттæ æмæ информацион технологиты паддзахадон наукон-иртасæн институты директор Кирилл Казаков. Фембæлды куыд загътой, афтæмæй сæйрагдæр хæс у иумæйаг электрон ахуырадон системæ скæнын. Йæ фæрцы зынгæ фенцондæр уыдзæн ахуыргæнджыты куыст. Æнцондæрæй арæзт æрцæудзæн иумæйаг базæ дæр. IT-технологитæй æмæ мультимедион комплекстæй ифтонггæнæн куыст ныридæгæн дæр райдыдта. Горæтаг æмæ хъæуккаг скъолаты активонæй пайда кæнынц хæрзхъæд интернетæй æмæ интеракивон кусæнгæрзтæй. Тымбыл стъолы архайджытæ ма куыд загътой, афтæмæй ацы системæ у фидæны ахуырады бындур.