Кадджын мадзал ацыд Парламенты æмбырды райдиа
Ахуырады, культурæйы æмæ социалон къабазы кусджытæ хорзæхгонд æрцыдысты кады гæххæттытæй. Кадджын мадзал ацыд Парламенты æмбырды райдиан. Уый фæстæ, депутаттæ æрныхас кодтой республикæйы конституцион закъонмæ ивддзинæдтæ бахæссыныл. «РЦИ-А сæргълæууæджы» Конституцион закъоны проект дыккаг бакасты не сфидар кодтой, уымæн æмæ хъæугæ хъæлæстæ нæ рæмбырд кодта. Бæлвырддæр ма йæм æркæсдзысты июны. Дыккаг бакасты æмхъæлæсæй Сæргълæууæджы хъæппæрисæй фидаргонд æрцыди республикæйы хицауады конституцион закъон.
Æрдзырдтой ма иу закъоны проектыл – «О градостроительной деятельности в Северной Осетии». Депутаттæ куыд бафиппайдтой, афтæмæй ацы къабазы ис бирæ фарстатæ, хицауады рдыгæй уæлдай цæстæнгас чи домы. Се хсæн – æрдзон зонæты æнæнхъæлæджы коммерцион объекттæ арæзт кæй æрцæуынц, уый. Фылдæр вæййынц æхсæнадон фæллад уадзынæн. Парламенты æмбырды ма ныхас цыд ахуырады хæрзхъæддзинады, культурæйы къабазы æм информацион политикæйы фарстатыл.
