филиал вгтрк государственная телерадиовещательная компания “Алания”

Мониторинг саразгæйæ, ахæм хатдзæгтæ скодтой Уæрæсейы ахуырады министрады информацион порталы. Аргъ кодтой регионалон электрон системæтæн, æмæ куыд хъахъхъæд цæуынц, уымæн. Эксперттæ стыр æргом аздæхтой, информацион-компьютерон фæрæзтæй пайда кæнгæйæ, цы лæггæдтæ исынц, уыдонмæ. Мониторингы хатдзæгтæм гæсгæ Цæгат Ирыстон бацахста цыппæрæм бынат, æмæ йæм ис сæдæ фæндзай æхсæз баллы. Цæгат Кавказы федералон зылды та стæм фыццæгтæ.

Сæлбиты Алан, РЦИ-Аланийы ахуырады æмæ наукæйы министрады информацион технологиты хайады хицау: «Кусæнгæрзтæ æмæ техникæ балхæдтам æмæ йæ сæвæрдтам скъолаты нæ сывæллæттæн. Уымæй уæлдай алы скъоламæ дæр бауагътам интернет æмæ алы ахуырдзауæн дæр йæ бон у интернетæй пайда кæнын. Паддзахадон лæггæдтæ ивæм электрон хуызмæ, электрон боныгтæ сарæзтам, æндæр ногдзиндтæ скодтам. Иумæйаг паддзахадон фæлварæн, дистанцион ахуырад парахат кæнæм. Æмæ æмтгæй нæ куыст арæзт цыд, цæмæй нæм æркæсой æмæ аргъ скæной. Цæмæй Уæрæсейы субъектты ‘хсæн хуыздæрты номхыгъдмæ бахауæм. Хуыздæр бынат бацахсæм. Æмæ нæ министрад хуыздæр бынат бацахста информацион ахуырады».