Дзуры, бæстæйы сæйраг сахары нæ республикæйæ цы зындгонд минæвæрттæ ис, уыдоны тыххæй
Юрист æмæ испайнаг æвзаджы ахуыргæнæг Мæскуыйæ Маргарита Исаакова царды уадзы проект «Ирыстоны цæсгæмттæ». Дзуры, бæстæйы сæйраг сахары нæ республикæйæ цы зындгонд минæвæрттæ ис, уыдоны тыххæй. Алы равдыст дæр уыдзæн интервьюйы хуызы. Цæудзæн 40 минуты. Фенæн сæ уыдзæн интернет платформæтыл æмæ социалон хызты. Ныридæгæн цæттæ сты 8 равдысты. Фæнд ма кæны цыппар. Проекты фыццаг уазæг суыдзæн дохтыр-нарколог Бекъойты Олег. Блогеры уазджытæ дзурынц, Мæскуыйы куыд æрбынат кодтой, цы куыст кæнынц, æмæ райгуырæн бæстæйæ дард уæвгæйæ æвзаг, традицитæ æмæ культурæ бахъахъхъæнын куыд бантыст, уый тыххæй. Ацы аз февралы Маргарита Цæгат Ирыстоны байгом кодта æнæкоммерцион культурон-рухстауæн организаци «Осетинская лира». Йæ нысан у, ирон æвзаг æмæ культурæ парахат кæныны алыхуызон проектты куыст кæнын.
