филиал вгтрк государственная телерадиовещательная компания “Алания”

Рæсугъддзинад ирвæзын кæны инвалид сывæллæтты миддуне. Сæ реабилитаци цæуы аивады фæрцы. Ацы куысты сусæгдзинæдтыл æрдзырдта психотерапевт Санкт-Петербургæй Александр Колесин.

Дæсны специалист скодта дæсныйадæвдисæг ахуыртæ Цæгат Ирыстоны социалон хъахъхъæнынады системæйы кусджытæн. Ахуырты архайдтой республикон центр «Феникс»-ы хъомылгæнинæгтæ. Арæзт та æрцыдысты Тугъанты Махарбеджы номыл музейы, æмæ хуымæтæджы нæ. Классикон аивады ирддæр объекттæ фенæн кæм ис, уыцы бынат психотерапевтмæ фæкаст тынг цымыдисаг. Петербургаг специалисты ныхæстæм гæсгæ, сæ фæрцы фæхуыздæр вæййы рынчынты психологон æмæ эмоционалон миддуне. Ууыл æвæстиатæй баууæндæн уыди. Сабитæ ахуырты рæстæг зынгæ фæхъæлдзæгдæр сты.