12 декабря 2023, 12:18
Аивæдты паддзахадон музейы цæгаткавказаг филиалы равдыстадон залы байгом аивадон проект «Сказки памяти»
Экспозици фыццаг фæнд кодтой скæнын, куыд Дагестаны адæмон нывгæнæг Ибрагим-Халил Супьяновы сæрмагонд равдыст
Пушкины номыл аивæдты паддзахадон музейы цæгаткавказаг филиалы равдыстадон залы байгом аивадон проект «Сказки памяти». Экспозици фыццаг фæнд кодтой скæнын, куыд Дагестаны адæмон нывгæнæг Ибрагим-Халил Супьяновы сæрмагонд равдыст. Фæлæ йæ куы цæттæ кодтой, уæд дзы рауад ног проект. Хаст æм æрцыдысты, Супьяновты бинонты уæнгтæ алы азты цы сфæлдыстадон уацмыстæ скодтой, уыдон. 100 куысты бæрц алы жанрты конд – авторты æмбырдгондтæй æмæ Дагестаны национ музейы фондæй. Равдыстадон проект «Сказки памяти» æххæстгонд æрцыд программæ «Династия»-мæ гæсгæ. Баст у, Цæгат Кавказы зындгонд нывгæнджыты династитимæ æмæ сфæлдыстадон бинонтимæ.
