филиал вгтрк государственная телерадиовещательная компания “Алания”

Аивæдты республикон лицейы байгом конкурс «Ирыстоны сывæллæттæ ныв кæнынц»-ы уæлахиздзауты равдыст. Хаст æм æрцыд 120 куыстæй фылдæр. Сæ автортæ – æвзонг нывгæнджытæ республикæйы æппæт районтæй. Нывтæ баст сты цалдæр ахсджиаг юбилеимæ – республикæйы равзæрды 100 азимæ, Ирыстон Уæрæсеимæ куы баиу, уый 250 азимæ æмæ Дзæуджыхъæуæн бындур æвæрд куы æрцыд, уый 240 азимæ. Сæ тематикон куыстытæ бацæттæ кодтой Санкт-Петербурджы академион аивадон лицейы ахуырдзаутæ дæр. Мадзалы кадджын уавæры схорзæхджын кодтой конкурсы уæлахиздзауты. Призтæ райстой 28 æвзонг мастеры – республикæйы нывкæнынады скъолаты минæвæрттæ. Ацы конкурс у æрвылазон традици. Баиу кæны курдиатджын æвзонг нывгæнджыты æмæ сæ ахуыргæнджыты.