Сæйрагдæр сын у, цæмæй куыст уа, уый
Аивгæнæн салонты мастертæ цæттæ сты æдасдзинады æппæт мадзæлттæ æххæст кæнынмæ, сæйрагдæр сын у, цæмæй куыст уа, уый. Уымæн æмæ бирæтæн æрмæст афтæмæй фадат ис сæ бинонтæ дарынæн. Фæлхасгæнджытæй домынц, цæмæй бæлвырд рæстæгмæ цæуой, æмæ фæтк ма халой. Цæстдарæг оргæнтæ та алы бон дæр кæнынц бæрæггæнæн куыст..
Ныхтæ аивгæнæн мастер Хъуыссæты Мæдинæ дезинфекцийы мадзæлтты тыххæй зоны алцыдæр. Ис æм уæлдæр медицинон ахуырад. Цалдæр азы ма фæкуыста фармацевтон компанийы.
Салонты мастертæ цæттæ сты æдасдзинады æппæт мадзæлттæ æххæст кæнынмæ, сæйрагдæр сын у, цæмæй куыст уа, уый. Бирæтæн æрмæст салоны алы бон кусгæйæ, фадат ис сæ бинонтæ дарынæн. Кæд æмæ иуæй-иутæн фæрæзтæ сæмбырд кæнын бантыст, уæддæр се ппæтмæ дæр ис кредиттæ стæй ипотекæ, зæгъы салоны директор.
Салонты цы бауагътой, уыдоны хсæн сты: парикмахерты, маникюр æмæ педикюры лæггæдтæ. Фæлхасгæнджытæй домынц, цæмæй бæлвырд рæстæгмæ цæуой, æмæ фæтк ма халой. Уый фадат дæтты, цæмæй бæстыхайы бирæ адæм ма мбырд кæной, уымæн. Уыимæ цæстдарæг оргæнтæ алы бон дæр кæнынц бæрæггæнæн куыст.
Салонты лæггæдтæ кæй сног кодтой, ууыл фæлхасгæнджытæ тынг цин кæнынц. Уымæн æмæ бирæтæн аив сæры фаст æмæ маникюр сты сæ куысты домæнтæ.
Дæхæдæг дæр бакус, æмæ æдæр адæймаджы дæр бамбар, зæгъынц аивгæнæн салоны. Кусджытæ архайынц лæггæдты æргътæ фæкъаддæр кæныныл. Уыимæ, рæстæгмæ экономикон зындзинæдты нæ хынцгæйæ.
