Республикæйы театрты 400 минæварæй фылдæр сæмбырд сты, цæмæй æрныхас кæной сæйраг темæтыл, нысантыл æмæ ма равзарой организацийы сæрдары, стæй ревизион къамисы уæнгты
Евгений Вахтанговы номыл Академион уырыссаг театры арæзт æрцыд Цæгат Ирыстоны театралон архайджыты цæдисы уæнгты дзуапдæттæн-æвзарæн съезд. Республикæйы театрты 400 минæварæй фылдæр сæмбырд сты, цæмæй æрныхас кæной сæйраг темæтыл, нысантыл æмæ ма равзарой организацийы сæрдары, стæй ревизион къамисы уæнгты. Съезды рæстæг ма сбæрæг, хæстæгдæр рæстæг Цæгат Ирыстоны театралон архайджыты цæдисмæ кæй бацæудзысты дыууæ Абхазаг театры минæвæрттæ. Уый фадат ратдзæн ирыстойнаг театралон организацийы активистты нымæц фæфылдæр кæнынæн æмæ ног проекттæ аразынæн. Æвзæрстыты хатдзæгтæм гæсгæ нæ республикæйы театралон архайджыты цæдисы сæрдарæй ногæй нысангонд æрцыд Гуыбиаты Хъазыбег. Театралон æхсæнады уæнгтæ ацы фарстайы фæдыл уыдысты æмзонд. Гуыбиаты Хъазыбег 5 азы мгъуыдмæ уыд бирæ культурон æмæ хæрзаудæн хъæппæристы автор.
