Сывæллæттæй бирæтæ ног азы бæрæгбæтты рæстæг уыдысты рынчын, уымæ гæсгæ сæ бæллицтæ сæххæст сты фæстæдæр
Акци «Бæллицты заз бæлас» æххæст кæнгæйæ, кæстæртæ исынц, рагæй кæмæ æнхъæлмæ кастысты, уыцы ахсджиаг лæвæрттæ. Сывæллæттæй бирæтæ ног азы бæрæгбæтты рæстæг уыдысты рынчын, уымæ гæсгæ сæ бæллицтæ сæххæст сты фæстæдæр. Паддазхадон Думæйы депутат Таймазты Артуры, Парламенты депутаттæ Бердиты Вадимы æмæ Гайты Тотразы номæй, ноутбуктæ райстой æртæ сывæллоны. Афтæмæй сæ бæллицтæ сæххæст сты Къадзты Тамарæйæн Алагирæй, Булацаты Зæринæйæн Дзæуджыхъæуæй, æмæ Гобозты Азæмæтæн Елхотæй. Кæстæртæ сæхæдæг куыд загътой, афтæмæй ныртæккæ дистанцион ахуырады кæй сты, уымæ гæсгæ сын ахæм нырыккон фæрæзтæ уыдысты тынг хъæугæ. Хæрзаудæн акци «Бæллицты заз бæлас»-ы сæйраг нысан у – фæкæсынхъуаг æмæ бирæсывæллонджын бинонтæй сабитæн, сидзæр æмæ уæззау рынчын сывæллæттæн æххуыс кæнын. Ацы аз парти «Иугонд Уæрæсе»-йы цæгатирыстойнаг регионалон штабы уæнгтæ сæххæст кодтой 100 бæллицы онг.
