Сæрмагонд проекты фæрцы рæзгæ фæлтæрмæ гуырын кæнынц патриотон æнкъарæнтæ
«Хъæбатыры номыл партæ». Бирæ скъолаты ахуыр кодтой, сæ Фыдыбæстæйы сæраппонд сæ цард чи радта, ахæм ныфсхаст фæсивæд. Уымæ гæсгæ хаст æрцыд уынаффæ, сæ нæмттæ сын сæнусон кæныны тыххæй. Ахæм номарæн партæйы уæлхъус бадыны аккаг та сты, ахуыры хуыздæр æнтыстдзинæдтæ чи вдисы, уыцы лæппутæ æмæ чызджытæ. Сæрмагонд проекты фæрцы рæзгæ фæлтæрмæ гуырын кæнынц патриотон æнкъарæнтæ. Фидараты Маринæ радзурдзæн бæлвырддæр.
Алы кабинеты дæр – Хъæбатыры къуым. Ам та хæссы Уæрæсейы Хъæбатыр Андрей Прибытковы ном. Ацы къласс ахæм кады аккаг сси – уый иу, фæлæ ма йæ ном хæсдзæн сæрмагонд партæ дæр. Йæ уæлхъус бадыны аккаг та свæййынц хуыздæр ахуырдзаутæ. Дæнцæгæн æрхæсдзыстæм 4-æм къласы ахуырдзау Текъойты Эльбрусы.
Йемæ æмрæнхъ ис Дзахсорты Эвелинæ дæр. Чызг куыд зæгъы, афтæмæй йын баххуыс кодтой йæ ахуыры æнтыстдзинæдтæ.
Къласы ахуырдзаутæ партæты кæрæдзи кæй фæивынц, уый лæппутæн æмæ чызджытæн пайда у. Фыццаджыдæр иу бынаты бадын хорз нæу, иннæмæй та сæ уый разæнгард кæны хуыздæр ахуыр кæнынмæ. Бæрæггæнæнтæм ахуыргæнджытæ сæ цæст дарынц, фæл уый сæйрагдæр нæу. Ам хынцын хъæуы цалдæр хъуыддаджы: активон уæвын, дисциплинæ æвдисын æмæ хи хорз дарын. Афтæмæй номарæн партæйы уæлхъус сбадыны фадат ис алкæмæн дæр. Скъола йæхæдæг ацы аз райста бар Советон Цæдисы хъæбатыр Ходы Константины ном хæссынæн. Йæ биографи æмæ нæ бæстæйы историйы цы фæд ныууагъта, уый зоны алы æвзонг æфсæддон дæр.
Ныртæккæ 36-æм скъолайы фехъусæн ис Уæрæсейы 5 хъæбатыры номы. Æмæ уыцы хæгъд кæндзæн хъæздыгдæр. Æдæппæтæй дзы кусы æвзонг æфсæддонты 7 отряды – æмтгæй райсгæйæ – 150 сывæллоны. Ныр дыккаг аз акцийы фæрцы лæппутæн æмæ чызджытæн фадат вæййы фылдæр зонындзинæдтæ райсынæн æмæ ма патриотон æнкъарæнтæ гуырын кæнынæн.
Ткаченкойæ дарддæр ма хыгъдмæ хаст æрцыдысты скъолайы дыууæ рауагъдоны. Уыдон фæмард сты се фсæддон хæс æххæст кæнгæйæ Афганистаны æмæ Цæцæны республикæйы. Сæ иу парашютон-десантон взводы командæгæнæг Александр Кожинов æмæ Цæцæны чи фæмард, уыцы Станислав Бойко. Лæвæрд ын æрцыд Суворовы майдан. Хъæбатыры партæйæ дарддæр скъоладзаутæн хъуамæ се мзæххонты лæгдзинады тыххæй дзурой номарæн фæйнæджытæ.
