27 декабря 2023, 10:53
Акци «Салдатæн æрвитæккаг» æххæстгонд цæуы дарддæр
Цæгат Ирыстон та сæрмагонд æфсæддон операцийы зонæмæ арвыста гуманитарон æххуыс
Акци «Салдатæн æрвитæккаг» æххæстгонд цæуы дарддæр. Цæгат Ирыстон та сæрмагонд æфсæддон операцийы зонæмæ арвыста гуманитарон æххуыс: техникон фæрæзтæ, хостæ, квадрокоптертæ, хъарм дзаумæттæ, хойрæгтæ, сывæллæтты фыстæджытæ æмæ нывтæ. Акци арæзт у хæрзаудæн фонд «Быть добру»-йы хъæппæрисæй. Радон хатт та йæм се *вæрæн бахастой ахуыргæнæндæттæ. Сæрмагондæй та – Дзæуджыхъæуы 22-æм, 42-æм скъолаты æмæ лицейы минæвæрттæ. Семæ фембæлд арæзт æрцыд фонд «Быть добру»-йы гуманитарон æххуыс уарыны центры. Сывæллæттæн скодтой экскурси, федтой волонтерты куыст. Скъоладзаутæ нæ салдæттæн бацæттæ кодтой арфæтимæ видеороликтæ.
темæмæ гæсгæ
