Йæ саразыныл бакуыстой ветеранты организаци «Хæстон æфсымæрад» æмæ æвзонг æфсæддонты районы отряд
Акци «Салдатмæ фыстæг» цæуы Мæздæджы районы. Йæ саразыныл бакуыстой ветеранты организаци «Хæстон æфсымæрад» æмæ æвзонг æфсæддонты районы отряд. Хорз хъæппæрисмæ се вæрæн бахастой скъолаты ахуырдзаутæ, æвзонг æфсæддонтæ æмæ кадетты отрядтæ. Ныртæккæйы онг 3 мин писмойы арвыстой, Украинæйы йе фсæддон хæс чи æххæст кæны, уыцы салдæттæн. Акцийы бацархайдтой Захар Тигеевы номыл скъола-интернаты хъомылгæнинæгтæ. Активонæй дзы цæуы æвзонг æфсæддонты змæлды райрæзтыл куыст. Лæппутæ æмæ чызджытæ фæархайынц районты патриотон мадзæлтты æмæ акциты. Сæ писмоты фæсивæд бузынг зæгъынц æфсæддонтæн, сæ хъæбатырдзинады, лæгдзинады æмæ ныфсхастдзинады тыххæй. Сæ зæрдæ сын зæгъы, цæмæй тагъд рæстæджы æнæнизæй æмæ дзæбæхæй сæмбæлой сæ фыдыуæзæгыл. Кæстæртæ ма салдæттæн балæвар кодтой сæхи конд нывтæ æмæ æмдзæвгæтæ. «Хæстон æфсымæрады» разамонджыты ныхæстæм гæсгæ ма ныртæккæ цæттæ кæнынц ноджыдæр мин писмойы арвитын. Кæй зæгъын æй хъæуы, уыдон дæр зæрдиаг арфæтимæ.
