Акци «Сыгъдæг гуырæнтæ» æххæст кæнгæйæ Нузалмæ ацыдысты Цæгат Ирыстоны фæсивæды Цæдисы уæнгтæ. Уым волонтертæ æфснайынц историон цыртдзæвæны цур.
Хæххон-металлургон институты студент
Акци «Сыгъдæг гуырæнтæ» æххæст кæнгæйæ
Нузалмæ ацыдысты Цæгат Ирыстоны фæсивæды Цæдисы уæнгтæ. Уым волонтертæ
æфснайынц историон цыртдзæвæны цур.
Хæххон-металлургон институты студент
Магкаты Хъазыбег чысыл рæстæг йедтæмæ нæу волонтер. Нузалы уыд ныр
дыккаг хатт. Иннæ лæппутимæ иумæ æфснайынц, аргъуаны цур цы бынат ис,
уым. Куыст дзы бирæ ис, зæгъы Хъазыбег.
Магкаты Хъазыбег, волонтер: «Куы
рцыдыстæм ардæм, уæд ам уыдис тынг æвзæр уавæр, уыди æнæфснайд. Æмæ йæ
сабыргай райдыдтам æфснайын. Нæхæдæг дæр ам цæрæм, æмæ нæм исчи куы
рбацæуа, уæд афтæ куыд нæ зæгъа, æмæ Ирыстоны чъизи уыди. Стæй нæхæдæг
дæр сыгъдæг ран куыд цæрæм».
Нузалы аргъуан у Цæгат Кавказы рагондæр
цыртдзæвæнтæй иу. Амад æрцыд 13-æм æнусы. У, æмбæл кæмæн нæй, ахæм
историон цыртдзæвæн, фæлæ йæ разы цы бынат ис, уый уыд тынг æдзæллаг
уавæры.
Хъуппеты Райæ, Нузалы цæрæг: «Мæнæ ам
уыдис хъæдын хæдзæрттæ, æмæ басыгъдысты. «Афтæмæй сыгъдæй лæууыдысты,
æнæфснайд уыдысты. Æмæ мæнæ куы рцыдысты, уæд сын загътам – махæн ма
æхсызгон дæр уыдзæн».
Ацы хæзна канд Нузалы æмæ нæ
республикæйы цæрджыты нæу, фæлæ ма Уæрæсейы æмæ æппæт дунейы адæмы дæр.
Уымæн ын хъуамæ уа æмбæлгæ хуыз.
Гæлæуты Таймураз, Мызуры бынæттон
администрацийы сæргълæууæг: «Цæмæй адæм цæуой, улæфгæ дæр кæной, æмæ
кæсгæ дæр кæной æмæ зоной, сæ истори цы уыдис, уый. Æмæ мæ зæодæмæ уый
цæуы, æмæ се ппæт дæр, афтид Мызур нæ, фæлæ горæтæй дæр иумæйагæй уыцы
хъуыддаг кæнæм».
Историон цыртдзæвæн бахъахъхъæнын – уый
у Цæгат Ирыстоны фæсивæды Цæдисы волонтерты хæстæй иу. Ныртæккæ уал
архайынц бæстыхайæн йæ бындур ныффидар кæныныл. Уый фæстæ та сæ
хъæудзæн специалисты æххуыс.
Базилдзысты аргъуаны бæстыхаймæ дæр.
Къултæ æддæрдыгæй æрцæудзысты сыгъдæггонд, уый фæстæ та сæ сахордзысты,
хæлгæ чи нæ кæны, ахæм сæрмагонд æрмæгæй. Уый йæ хъахъхъæндзæн уарынæй
æмæ хурæй цалдæр азы.
Цæгат Ирыстоны национ музейы филиал,
Нузалы аргъуан – у акци «Сыгъдæг гуырæнты» архайджытæй иу. Уымæн æм
цæуы ахæм стыр цæстдард.
Баскаты Тимур, РЦИ-Аланийы фæсивæды
Цæдисы уæнг: «Мах рбацыдыстæм, цæмæй мæнæ ацы куыст бакæнæм. Уымæн æмæ
йæ мах куы нæ бакæнæм, уæд æй ничи бакæндзæн. Кæд фæсивæд куы нæ хъуыды
кæна, æмæ куы нæ зона, нæ фыдæлтæ куыд цардысты, æмæ цытæ амадтой, æмæ
мах дæр уыдонмæ куы нæ бæллæм, уæд махæй дæр ницы рауайдзæн. Æмæ уыцы
хъуыдытимæ æрбацыдыстæм».
Проект сæххæст кæнын сын бантыст,
фæсивæды хъуыддæгты, физкультурæ æмæ спорты министрады грант кæй
рамбылдтой, уый руаджы. Акци æххæстгæнгæйæ ма волонтертæ бафснайдзысты
Фæскомцæдисон парк, стæй дендрарий.
