Хуыздæрыл нымад æрцыд сæрмагонд номинацийы «За развитие социального партнерства в организациях производственной сферы»
Акционерон æхсæнад «Победит» фæуæлахиз Æппæтуæрæсеон конкурс «Российская организация высокой социальной эффективности»-йы регионалон къæпхæны. Хуыздæрыл нымад æрцыд сæрмагонд номинацийы «За развитие социального партнерства в организациях производственной сферы». Хицауады Сæрдар Дзанайты Барис кадджын уавæры диплом радта куыстуаты профцæдисон организацийы сæрдар Хуыбаты Федорæн. Республикæйы социалон-фæллойадон ахастдзинæдты фæдыл æртæвæрсыг къамисы æмбырды ма ныхас цыд цæрынæн æппынкъаддæры бæрцыл. Ацы хъуыддаджы æнцой кæнынц социалон-демографион къордтыл. Афтæ 2023-æм азы цæрынæн æппынкъаддæры бæрц Цæгат Ирыстоны уыдзæн 12 938 сомы. Кусынхъом чи у, уыдонæн – 14 102 сомы, пенсиисджытæн – 11 127 сомы. Æмбырды ма ныхас цыд иннæ ахсджиаг фарстайыл. Бæлвырддæр та – куыстуæтты фæллойы дæсныйæдты специалисттæ кæй нæ фаг кæнынц, ууыл. Ныртæккæ нæ республикæйы кусджытæй цух æййафынц 20 промышленнон куыстуаты. Уым ис 229 уæгъд бынаты. Фылдæр агурынц слесæрьты, электромонтерты, хуыйджыты, æндадзджыты, краны машинистты æмæ электрикты.
