Сæйрагдæр ивынц бæстыхайы сæр, уымæн æмæ зæронд шифер нал бæззыд, æмæ-иу уарынты рæстæг тæдзыди.
Ног ахуыры азмæ – æхсызгон лæвар. Алагиры 5-æм скъолайы цæуынц цалцæггæнæн куыстытæ. Сæйрагдæр ивынц бæстыхайы сæр, уымæн æмæ зæронд шифер нал бæззыд, æмæ-иу уарынты рæстæг тæдзыди. Ныртæккæ арæзтадон бригадæтæ уыцы-иу рæстæг цалцæг кæнынц цалдæр объекты.
Æртæ бригады сæ куыст райдайынц райсомы фондз сахатыл. Алкæйы дæр дзы ис фондз адæймаджы. Уыдон уыцы-иу рæстæг цалцæг кæнынц цалдæр раны. Сæ размæ æвæрд ис стыр нысан – бахгæнын хъæуы æртæ мины æмæ фондзсæдæ квадратон метры.
Къæвдатæ сын сæ куысты фæтк фехæлдтой. Фæлæ уæддæр аразджытæ ныфсджынæй зæрдæ æвæрынц — нысан æмгъуыдмæ куыст фæуыдзысты. Алагиры скъолайы бæстыхайы сæр бамбæрзынæн бюджетæй радих кодтой фондз милуан сомы.
Скъола сарæзтой 1976 азы. Ис дзы бынат æхсæзсæдæ скъоладзауæн. Скъола хъуыстгонд у йæ æхсæнадон куыстæй. Æрмæст дзы бындурон цалцæг рагæй нал уыд.
Раздæр-иу чысыл къæвдайæ дæр скъолайы цар тæдзын райдыдта. Иуæй-иу уаццагтæ-иу цалцæггонд æрцыдысты кусджыты тыхтæй. Фæлæ-иу, хъыгагæн, бирæйы фаг не ссис. Цыппор æртæ азы ацы шифер ивд не рцыдис. Ныр та скъолайæн ралæууыд ивддзинæдты дуг. Æппæт арæзтадон куыстытæ дæр фæуыдзысты ног ахуыры азмæ.
