03 июня 2021, 13:50
Алагиры ацы бонты куыста вакцинацийы цæугæ пункт
Æнтыстджынæй дзы ацыдысты ковиды ныхмæ прививкæтæ кæнæн мадзæлттæ
Алагиры ацы бонты куыста вакцинацийы цæугæ пункт. Æнтыстджынæй дзы ацыдысты ковиды ныхмæ прививкæтæ кæнæн мадзæлттæ. Цæугæ пункт æрлæууыди горæты астæу. Иммунизаци ацæуын йæ бон уыди, кæй фæндыди, уыдонæн се ппæтæн дæр. Уыимæ дзы рагагъоммæ хи ныффысын нæ хъуыди. Хи низæй бахъахъхъæнынæн фаг уыди æрмæстдæр паспорт, терапевты æркаст, стæй пациентыл хъуамæ цæуа 18 азæй уæлæмæ. Абоны онг республикæйы иммунизаци ацыди 55 мин адæймагæй фылдæр, уыдонæй 32 мин адæймаджы райстой вакцинæйы дыууæ компоненты дæр. Вакцинацийы цæугæ пункт йæ куыст адарддæр кæндзæн республикæйы иннæ районты дæр.