Сæрды ралæудмæ доны фарста у уæлдай ахсджиагдæр
Алагиры цæрджыты бирæ азты фарста у – нуазыны доны уавæр. Уæлдайдæр та, хуссар-ныгуылæн хайы чи цæры, уыдонæн. Коммуналон службæтæ сфæнд кодтой, цы æвæрæнтæ сæм ис, уыдонæй спайда кæнын. Хæстæгдæр фидæны та хъуамæ снывыл кæной, раздæры æхсыры заводы фæзуатыл цы донцъирæн ис, уый. Уымæй дæр ис пайда кæнæн. Сæрды ралæудмæ доны фарста алыг кæнын у уæлдай ахсджиагдæр.
Алагиры хуссар-ныгуылæн хайы нуазыны дон кæй нæ фаг кæны, уый иу азы фарста нæу. Ацы хъуыддагæй адæм тыхсынц дæргъвæтин рæстæг. Фарста алыг кæныны тыххæй коммуналон службæтæ сфæнд кодтой, цы æвæрæнтæ сæм ис, уыдонæй спайда кæнын.
Ацы донгуырæнтæ арæзт æрцыдысты, рагæй дæр чи нал кусы, уыцы консервгæнæн заводы хæдзарадон куыстытæн. Бирæ азты дзæгъæлæй лæууыдысты. Комсомольскæйы цæрджыты уавæр снывыл кæныны тыххæй специалисттæ бавнæлдтой дысвæлдæхтæй. Донцъирæнты тых у сахатмæ 40 кубометры дон. Уый бынтон зæрдæйы фæндон нæу, фæлæ йæ фæрцы зæронд коммуникациты архайд нæ къуылымпы кæны. Донгуырæнты алыварс территори нырма хъæуы саив кæнын. Фæлæ сæйрагдæр у – Алагиры цæрджыты донæй æфсадын. Таболты Ритæ куыд зæгъы, афтæмæй гыццыл ивддзинæдтæн дæр ис стыр нысаниуæг.
Донгуырæнтæй цы фæлварæнтæ систой, уыдоны равдыстой, дон домæнтæн дзуапп кæй дæтты, уый. Хæстæгдæр фидæны та коммуналон службæтæ хъуамæ снывыл кæной раздæры æхсыры заводы фæзуатыл цы донцъирæн ис, уый. Уымæй дæр ис пайда кæнæн. Сæрды ралæудмæ доны фарста алыг кæнын у уæлдай ахсджиагдæр.
