Хъуыддаг æвзары Уæрæсейы слестгæнæг комитеты регионалон хайад
Алагиры районы 40-аздзыд цæрæджы аххосджын кæнынц, бæрнон бынаты кусæгæн гæртам радтынмæ кæй хъавыдис, уымæй. Хъуыддаг æвзары Уæрæсейы слестгæнæг комитеты регионалон хайад. Ведомствæ куыд сбæрæг кодта, афтæмæй ивгъуыд аз ноябры. Федералон Æдасдзинады службæйы регионалон управленийы кусджытæ оперативон мадзæлтты рæстæг базарадон хыз «СитиМоллы» дуканиты ссардтой æмæ байстой контрафактон продукци 70 мин сомæн. Уыцы мадзæлттæ йæ хæрз æфсымæр æмæ йе мбæлтты номыл арæзт кæй сты, уый аххосджын куы бамбæрста, уæд сфæнд кодта федералон æдасдзинады управленийы кусæгæн гæртам радтын, цæмæй тæрхондоны раз дзуапп ма радтой, уый тыххæй. 15 ноябры аххосджын фембæлд барадхъахъхъæнæгимæ æмæ йын зæрдæ бавæрдта 2 милуан сомы радтынæй, бæрæггæнæн мадзæлттæ æруыромыны тыххæй. Уымæй уæлдай дзы агуырдта, цæмæй йын гæртамы бындурыл барадхъахъхъæнæг дарддæр æххуыс кæна. Федералон Æдасдзинады управленийы кусæг не сразы æмæ йын бамбарын кодта йæ митæ закъон кæй халынц, уый тыххæй. Дыккаг бон аххосджын уæддæр бафæлвæрдта гæртам радтын æмæ йæ афтæмæй æрцахстой. Ныртæккæ хъуыддаг арвыстой прокурормæ, цæмæй хатдзæг рахæсса, уый тыххæй.
