Сырх Ходы цæрджытæн уый уыд æцæг бæрæгбоны хуызæн
Алагиры районы бындурон цалцæджы фæстæ байгом кодтой фельдшерон-акушерон пункт. Дзуапп дæтты æппæт домæнтæн. Сырх Ходы цæрджытæн уый уыд æцæг бæрæгбоны хуызæн. Амæй фæстæмæ ифтонг уыдзысты æмбæлгæ медицинон æххуысæй. Медицинон пункты ма, регионы разамонæг Сергей Меняйлойы амындмæ гæсгæ, байгом кодтой афтек дæр. Бынæттон цæрджытæн уый уæлдай ахсджиаг у. Кадджын мадзалы тыххæй бæстондæр радзурдзæн Фидараты Маринæ.
Æппæт традицитæ æмæ æгъдæуттæ хынцгæйæ. Бындурон цалцæджы фæстæ байгом кодтой фельдшерон-акушерон пункт. Хъæуы цæрджытæн уый уыд æцæг бæрæгбон. Æнæ медицинон æххуысæй сын зын уыди. Æмæ-иу сæ хъуыди Алагирмæ цæуын.
Æмæ кæд фельдшерон-акушерон пункт стыр нæу, уæддæр алцæмæйдæр у æххæст. Дохтыртæ бакæндзысты фыццаг медицинон æххуыс, скæндзысты вакцинаци. Æдæппæтæй Сырх Ходы цæры 129 адæймаджы. Æмæ нырæй фæстæмæ сæхи æнкъарынц æдасæй, стæй ма æмбæлгæ уавæрты. Ныртæккæ медицинон пункты у хъарм æмæ райдзаст. Ахæм уавæр дзы тынг рагæй нал уыд.
Фельдшерон-акушерон пункты бындурон цалцæгæн радих кодтой æртæ милуаны æмæ 500 мин сомы. Уымæй дарддæр ма ноджыдæр 500 мин сомы рахай кодта Цæгат Ирыстоны æнæниздзинадхъахъхъæнынады министрад, сæрмагондæй нырыккон кусæнгæрзтæй сифтонг кæнынæн. Афтæмæй ныртæккæ ам ис дефибриллятор æмæ электрокардиограф. Фæзындысты дзы медицинон препараттæ дæр. Хъæуы сæхи афтек нæй, фæлæ хостæй цух не ййафынц. ФАПы ис æмбæлгæ медикаменттæ, фыццаг медицинон æххуыс бакæнынæн. Уымæ йдарддæр ма ис хъæугæ препарат балхæнæн дæр. Кæд нæ уа, уæд æй ис заказ скæнын. Объект сцалцæг кодтой, национ проект «Æнæниздзинадхъæхъхъæнынады» рацарæзты программæйы фæрцы. Проекты Алагиры район архайы активонæй. Цалдæр азмæ ам сарæзтой æмæ сцалцæг кодтой цалдæр социалон объекты.
Ацы аз ма программæйы архайынц Мæздæджы æмæ Горæтгæрон районтæ дæр.
