Райгуырд 1931-æм азы Ногхъæуы. Ам арвыста йæ сабийы бонтæ, ам ныффыста йæ фыццаг æмдзæвгæтæ дæр. Ногхъæуы цæрджыты фæндонмæ гæсгæ йæ ном хæссы культурæйы хæдзар.
«Иу нывы равдыст». Ахæм номимæ экпозицион проект байгом национ наукон библиотекæйы. Залы равæрдтой Советон Цæдисы адæмон артист Тæбæхсæуты Балойы портрет. Йæ автор у адæмон нывгæнæг, уырыссаг нывкæнынады ирдæр минæвар Виктор Орешников. 25 азы уый лæууыд Илья Репины номыл нывкæнынады, скульптурæйы æмæ архитектурæйы институты сæргъы. Тæбæхсæуты Балойы портрет та скодта 1959-æм азы. Аивадиртасджыты хъуыдымæ гæсгæ, ацы ныв конд у реалистон хуызы. Уарзон артистыл ис, Хетæгкаты Къостайы ролы кæм ахъазыд, уыцы национ уæлæдарæс. Наукон библиотекæйæ дарддæр ма ахæм равдыст арæзт æрцæудзæн театралон аивады республикон музейы дæр.
