филиал вгтрк государственная телерадиовещательная компания “Алания”

12:15 пятница, 25 июля 2025
07 июня 2019, 15:05
Алагиры скъоладзаутæ фембæлдысты аивады сгуыхт кусджытимæ

Сæ экспозицитæ æрластой Уæрæсейы сгуыхт нывгæнæг, скульптор Дзбойты Михал æмæ нывгæнæг Иван Николаенко.

Алагиры скъоладзаутæ фембæлдысты аивады сгуыхт кусджытимæ. Сæ экспозицитæ æрластой Уæрæсейы сгуыхт нывгæнæг, скульптор Дзбойты Михал æмæ нывгæнæг Иван Николаенко.

Нывгæнжытæ семæ æрластой сæ куыстытæ – чысыл скульптурæтæ æмæ нывты оригиналтæ. Дзбойты Михал у, Кировы цыртдзæвæны, Цъæймæ фæндагыл Æфсатийы, Лескенæй, Дигорайæ, Цæгат Ирыстоны паддзахадон университетæй æмæ медицинон академийæ Фыдыбæстæйы Стыр хæстæй чи нал сыздæхт , уыдоны номыл цыртдзæвæнты автор. Иван Николаенко райгуырд æмæ хъомыл кодта Сыбыры, фæлæ рагæй цæры Цæгат Ирыстоны. Йæ нывты цæст æрхæццæн сыбираг митæй æмбæрзт æрдзы скондыл æмæ Ирыстоны хæхты цъититыл. Нывгæнджытæ радзырдтой се сфæлдыстадон фæндаджы тыххæй, стæй дзуапп радтой скъоладзауты фарстатæн. Базонгæ сæ кодтой сæ куыстытимæ, куыд сæ арзæтой, уыимæ. Ахæм фембæлд рæзгæ фæлтæримæ фыццаг нæу. Уый размæ Дзбойты Михал æмæ Иван Николаенко уыдысты Дыгуры районы.

vgtrk_alania
vgtrk_alania
vgtrk_alania
vgtrk_alania