Абон дæр у цардбæллон, куыстмондаг æмæ кæстæртæн зондамонæг
2 æнусæн æвдисæн. Алагиры цæрæг Черчесты Надеждæ ахызт йæ 103 азы сæрты. Абон дæр у цардбæллон, куыстмондаг æмæ кæстæртæн зондамонæг. Сыхæгтæн уарзон æмæ мыггагæн кадгæнæг. Надеждæйы цардвæндагимæ базонгæ не сфæлдыстадон къорд. Уæдæ цæмæй бафтыдта дисы нæ уацхæссæг Къутæрты Аидæйы, уый нын радзурдзæн йæхæдæг.
Ныртæккæ дæр ма сæрæн цыд кæны, алы куыстмæ дæр йæ ныфс хæссы, æмæ йæ хъæбулы хъæбулты рæвдауы. Алагиры цæрæг 103 аздзыд Черчесты Надеждæ абон дæр фæллад нæ зоны. Уый йæхиуыл æнæауæрдгæйæ архайы, цæмæй йæ фарсмæ цы бинонтæ ис, уыдон райгонд уой сæ фæрныг хистæрæй.
Надеждæйы цард æнцон нæ уыд. Йæ ныййарджытæ хъомыл кодтой фондз лæппуйы æмæ иу чызг. Надеждæ уыди сæ кæстæр. Йæхæдæг нын куыд радзырдта, афтæмæй йæ нæ уагътой ахуыр кæнын. Цыди фыййау, кодта зын кусытытæ. Фæлæ йæ ныфс никуы асаст. Кæддæриддæр архайдта, цæмæй йæ алфæмблай цы адæм ис, уыдонæн исты пайда æрхæсса.
Надеждæйæн йæ сыхæгтæ куыд зæгъынц, афтæмæй уый у ныфсджын сылгоймаг. Дисы бафтынц, йæ азтæм гæсгæ зын куыстытæ кæнгæйæ куы фенынц, уæд.
