Баст уыди Ирыстойнаг футболы 100 азы бонимæ
«Алани»-йы легендæтæ «Матч ТВ»-йы ныхмæ. Футболы академийы арæзт æрцыди æмбаладон хъазт. Баст уыди Ирыстойнаг футболы 100 азы бонимæ. Фæзыл фенæн уыди, футболы рæзтмæ стыр æвæрæн чи бахаста, æмæ йæ ном спортивон азфысты чи ныууагъта, ахæм спортсменты. Хъазтмæ цымыдисæй сæ цæст дардтой фæсивæд. Уыдонимæ не сфæлдыстадон къорд дæр. Касаты Наирæ радзурдзæн бæлвырддæр.
Футболуарзджытæн æцæг бæрæгбон. Стадионы хъуысынц цины зæлтæ. Уæлдайдæр та фæзмæ футболы стъалытæ куы рацыдысты, уæд. Карсанаты Умар, Битарты Роберт, Хъуысаты Алан, Цæрикъаты Тарас сфæнд кодтой сæ бутсæтæ скæнын æмæ сæ фæлтæрддзинад равдисын. Матчмæ æппæты тынгдæр сæ цæст дарынц футболон академийы хъомылгæнинæгтæ.
Разминкæйы бæрæг уыди – матч хæлардзинады нысан кæй у, уый. Худындзаст æмæ хæларзæрдæйы ахаст банкъарæн уыди хъазты рæстæг.
Фыццаг таймы ирдæй зындысты дзæуджыхъæуккæгты фæлтæрддзинад æмæ арæхстдзинад. Рæстæгимæ сæ фæлтæрддзинад нæ фæмынæг, уымæ гæсгæ сæ ныхмæлæуджытæн æнцон нæ уыди.
Кæд, хъазты хыгъд ам сæйрагдæр нæ уыди, уæддæр таймы дыккаг æмбис хъазт сæмхуызон.
Матчы рæстæг футболисттæ лæвæрдтой сæ къухæвæрдтытæ, сæ къамтæ истой футболуарзджытимæ. Алцыдæр конд уыди цæмæй стадион дзаг уа хæлар æмæ циндзинадæй. Хатдзæгтæгæнæн бæрæггæнæн та адæмæн сси лæвары хуызы. Хыгъд 6:6 куы сси, уæд командæтæ сфæнд кодтой хъазт бауромын.
