Йæ куыстытæ – хъуыдыкæнынад, адæймаг историйы, тыгъдады æмæ мысинæгты цы фæд уадзы, уый тыххæй
Дзæуджыхъæуы – ног культурон цау. Александр Пушкины номыл аивæдты паддзахадон музейы Цæгат Кавказы филиалы байгом проект «Признаки жизни». Уый у Ася Заславскаяйы нывты равдыст. Йæ куыстытæ – хъуыдыкæнынад, адæймаг историйы, тыгъдады æмæ мысинæгты цы фæд уадзы, уый тыххæй. Экспозицимæ хаст æрцыдысты, нывгæнæг фæстаг 10 азмæ цы сарæзта, уыцы 8 куысты: нывкæнынад, инсталляцитæ, видеокуыстытæ. Равдысты тыххæй бæстондæр.
Нывгæнæг Ася Заславскæйы сфæлдыстад у тынг цымыдисаг. Инсталляци «Свободное место» -йы сæйраг хай у бандон. Æмбарын æй хъæуы,
цыма йыл æнæзынгæ адæймаг бады, афтæ. Ахæм метафорæйæ нывгæнæг амоны сабырдзинады нысаниуæг. Экспозицийы куыстыты Ася Заславская цухдзинад æмбарын кæны куыд уæвындзинад.
Ася Заславская райгуырд Мæскуыйы, фæлæ йæ аивадон *взаг равзæрд Цæгат Кавказы. 18 аздзыдæй нывгæнæг Дзæуджыхъæуы архайдта программæ ART Кавказ Next-ы æмæ фестиваль «Аланика»-йы. Экспозицийы фенæн ис истори, традициты æмæ Цæгат Кавказы нырыккон царды хицæндзинæдтæ *вдисæг куыстытæ. Сфæлдыстадмæ разæнгæрддзинад нывгæнæджы зæрдæйы бирæ азты Цæгат Кавказы фæзыны.
Ася Заславская архайдта бирæ равдыстыты Уæрæсейы æмæ фæсарæнты. Йæ куыстытæ хаст уыдысты нырыккон аивады сæйрагдæр экспозицитæм. Уый руаджы фæзынд аргъгæнджытæ йе сфæлдыстадæн . Ацы аз ын аивадуарзджытæ йæ куыстытæ федтой Африкæйы цивилизацийы музейы иумæйаг равдыст «Творить чудеса»-йы. Нывгæнæг йæ курдиатæй лæвар кæны ног æнæзонгæ дунемæ бахауыны фадат.
Равдыст «Признаки жизни»-мæ хаст æрцыдысты нывгæнæджы 10 проекты. 2016-æм азæй 2024-æм азмæ кæй сарæзта, ахæмтæ – нывкæнынад, инсталляцитæ æмæ видеокуыстытæ. Равдысты райдиан нывгæнæг аивадуарзджытæн раргом кодта йæ алы куыстæн дæр йæ хъуыды.
Ася Заславскæйы равдыст у ирд æвдисæн, ивгъуыд æдзух йæ фæд кæй уадзы, уымæн. Уый та Ирыстоны аивадуарзджытæ нырма иу æмæ дуыууæ хатты нæ базондзысты. Нывгæнæг, фидæны цы ног проекттыл бакуса, уыдон фæнд кæны Дзæуджыхъæуы цæрджытæн равдисын.
