Йæ куыстытæ йæм бахаста хуыздæр нырыккон гравертæй иу, Уæрæсейы æмæ Цæгат Ирыстоны сгуыхт нывгæнæг Владимир Наседкин
Александр Пушкины номыл аивæдты Паддзахадон музейы цæгаткавказаг филиалы байгом цымыдисаг равдыст. Йæ куыстытæ йæм бахаста хуыздæр нырыккон гравертæй иу, Уæрæсейы æмæ Цæгат Ирыстоны сгуыхт нывгæнæг Владимир Наседкин. Равдыст арæзт æрцыд, культурон-рухстауæн проект «Венецианские строфы» æххæст кæнгæйæ. Уыдон сты, ахæм сæргондимæ чиныгмæ хицæн иллюстрацитæ. Чиныджы ис 16 гравюрæйы æмæ Иосиф Бродскийы цикл «Венецианскийы строфы»-йы циклæй ист 16 æмдзæвгæйы. 50 азы размæ Иосиф Бродский уыд Венецийы. Уæвгæ та йæ уарзон горæты уыди 17 хатты, æмæ йæ номыл ныффыста 16 æмдзæвгæйы. Зындгонд поэт ныгæд дæр уым æрцыд. Æмдзæвгæтæ æмæ гравюрæтæ мыхуыргонд æрцыдысты хъæдæй конд сæрмагонд формæтыл. Уыимæ, абарæн кæмæн нæй, ахæм техникæйы. Сæмбырд сæ кодтой чингуыты хицæн иугондмæ. Фыст сты англисаг æмæ италиаг æвзæгтыл. Æмдзæвгæтæ та ныммыхуыр кодтой уырыссаг æвзагыл.
