филиал вгтрк государственная телерадиовещательная компания “Алания”

Стыр уырыссаг поэт Александр Пушкины райгуырды 225 азы кадæн Дзæуджыхъæуы йæ номыл скверы арæзт æрцыд кадджын мадзал. Æхсæнадон организациты минæвæрттæ, фысджыты цæдисы уæнгтæ, скъоладзаутæ æмæ педагогтæ дидинджытæ сæвæрдтой поэты бюсты раз. Ацы бынат хуымæтæджы нæ равзæрстой. Ам уыд сæрмагонд хæдзар, æмæ дзы-иу æрлæууыд Пушкин, Кавказыл балц кæнгæйæ. Абоны онг уырыссаг поэзийы ирддæр стъалыйы уацмыстæ тæлмацгонд сты дунейы 200 æвзагмæ. Ацы аз нæ бæстæйы Президенты указмæ гæсгæ снысан кодтой стыр поэты азæй. Кадджын мадзæлттæ арæзт цыдысты æппæт регионты дæр.