Фæлæ фидæны дæсны специалисты хъомæладыл йæ сабибонтæй чи кусы, уыдоны хæс та уæлдай егъау у
Алы дæсныйадæн дæр ис йæхи ахадындзинад царды. Фæлæ фидæны дæсны специалисты хъомæладыл йæ сабибонтæй чи кусы, уыдоны хæс та уæлдай егъау у. Цалдæр ахæм ахуыргæнæгимæ фембæлд не сфæлдыстадон къорд.
Багаты Виолеттæ йæ цард снывонд кодта сывæллæтты хъомыладæн, уырыссаг æвзаджы ахуырадæн. Сывæллонæй йæ фæндыд дохтыр суæвын, фæлæ баххæст кодта ахуыргæнджыты династи. Йæ фыд Багаты Владимир уыд, 20 азæй фылдæр кæмæй пайда кодтой ахæм, ирон æвзаджы чиныджы автор. Йæ мад Дзанайты Иринæ та куыста кæстæр кълæсты ахуыргæнæгæй.
Виолеттæ йæ хистæртæ цы дæсныйадыл хæст уыдысты, уый сæрбæрзондæй хæссы дарддæр. Йæ хъомылгæнинæгтæй бирæтæ систы ахуыргæнджытæ, æмæ сæ зонындзинæдтæ лæвар кæнынц республикæйы скъоладзауты.
Зæрдылдарæн къам Уæрæсейы сгуыхт тренеримæ исынц йæ хъомылгæнинæгтæ. 43 азы Багаты Вячеслав радта хъæбысæйхæсты райрæзтæн. Куыста Цæгат Ирыстоны Автономон республикæйы иугонд командæйы хистæр тренерæй. Йæ разамындæй Советон Цæдисы фæсивæдон иугонд командæ бацахста фыццаг бынат Венгрийы чемпионаты.
Ныр ЦИПУ-йы тренировкæтæ кæнынц куыд студентты, афтæ номдзыд спортсменты. Багаты Вячеславы хъомылгæнинæгты нæмттæ хъуысынц дунейы хуыздæр ерысты фæзты. Йæ рæстæджы Вячеслав бамбæрста йе нæниздзинад ын бар кæй нæ ратдзæн олимпаг чемпион суæвын, фæлæ фидæны чемпионты райрæзтыл та йæ бон кæй у кусы. –
Хъæцмæзты Герман та хъуыды дæр нæ кодта ахуыргæнæг суæвыныл. Фæци паддзахадон муниципалон разамынды факультет, куыста преспубликæйы Хицауады, лекцитæ лæвæрдта Цæгат Кавказы хæххон металлургон институты. 2016 – æм азы та йæ ракуырдтой Ногиры 2-æм скъолайы сæргъы цæмæй æрлæууа. Зæгъын хъæуы, ныр æхсæз азы дæргъы æрыгон директор йæ хæстæ кæй æххæст кæны иттæг хорз.
Ацы аз Хъæцмæзты Герман рацыд Æппæтуæрæсеон конкурс «Директор года Россия»-йы финалмæ. Жюри бæрзонд аргъ скодта æрыгон специалисты арæхстдзинадæн. Ныр йæхи фæлтæрддзинады фæрцы хуыздæр базыдта ахуырады фарстайаг хъуыддæгтæ.
Аппæт ацы ахуыргæнджытæ иу кæны сывæллæттæм уарзондзинад, стæй сын сæ цард фæхуыздæр кæнын сæ аудындзинады фæрцы.
