Дзæуджыхъæуы æхсæнадон Советы æххуысæй республикæйы дзулфыцæн заводтæй иу йæ продукци лæварæй дæтты Æппæуæрæсеон адæмон фронты фæсивæдон организацийæн, стæй медицинæйы бархион организацийы уæнгтæн
Амалхъом адæм æххуыс кæнынц пандемийæйы аххосæй æнæ куыстæй чи баззад æмæ йæ хæдзараæй æддæмæ чи нæ цæуы, уыцы адæмæн. Дзæуджыхъæуы æхсæнадон Советы æххуысæй республикæйы дзулфыцæн заводтæй иу йæ продукци лæварæй дæтты Æппæуæрæсеон адæмон фронты фæсивæдон организацийæн, стæй медицинæйы бархион организацийы уæнгтæн. Уыдон сæ уарынц æвæгæсæг адæмыл, пенсиисджытæн ма æрбахæссынц кърупатæ, макъаронтæ, дон, къалбас.
Зын уавæры чи бахауд, уыдонæн хойрагæй æххуыс кæнынц, базарты чи уæй кæны, уыцы амалджын адæм дæр. Базар «Викалинæ»-йы цæттæ кæнынц хойраджы хызынтæ.
