Проект «Звезды классического рока» баиу кодта алы къордтæй 6 музыканты. Зарынц дунейы адæмæн зындгонд зарджытæ.
Концерты агъоммæ музыканттæ Джон Кораби, Бобби Рондинелли æмæ Андрей «Джонсон» Соколовимæ фембæлдысты радио «Алани»-йы амонджытимæ эфиры. Се *хсæн рауад зæрдæмæдзæугæ æмæ цымыдисаг ныхас.
Зæгъæм, Кораби радзырдта, кæм æмæ кæцы къордты зарыд. Бирæ азты уыд америкаг «Мотлей Крю»-йы. Куыд загъта, афтæмæй, зарæг зæрдæйæ куы цæуа, уæд уæлдай нæу музыкант кæцы бæстæйы цæры æмæ кæцы æвзагыл зары, уый. Зæрдæйы æвзаг алчидæр æмбары.
Рондинеллийы зæрдæмæ та тынг фæцыд ирон адæмы уазæгуарзондзинад, куыд сыл сæмбæлдысты, уый.
«Классикон рокы» музыканттæ радиомæ хъусджыты базонгæ кодтой сæ дарддæры нысантимæ, гастрольты кæдæм цæудзысты, уыимæ. Дзæуджыхъæуы концерты фæстæ артисттæ концерт дæтдзысты Мæскуыйы.
