Проект сæрмагондæй конд у гыццыл дуканитæн. Уый руаджы æнцондæрæй цæуы цæстдард сæйраг финансон бæрæггæнæнтæм
Национ проект «Фæсивæд æмæ сывæллæттæ» æххæстгæнгæйæ, Дзæуджыхъæуы цы IT-куб кусы, уый Яндекс.Лицейы ахуыргæнинаг Анастасия Морозова бакуыста чысыл бизнесæн æххуысæн æфтиæгты æмæ товарты хыгъды программæйыл. Проект сæрмагондæй конд у гыццыл дуканитæн. Уый руаджы æнцондæрæй цæуы цæстдард сæйраг финансон бæрæггæнæнтæм. Бæлвырддæр радзурдзæн Чехойты Фатимæ.
Анастасия Морозовайыл цæуы 15 азы. 5-æм къласæй нырмæ ахуыр кæны IT-кубы. Информацион технологитæм цымыдисдзинад æм сæвзæрд йæ ныййарджыты амындмæ гæсгæ. Чызг фæци цалдæр курсы. Ныртæккæ зонгæ кæны промышленнон программæтæ аразыны бындуртимæ.
Ахуыргæнгæйæ Анастасия бакуыста чысыл бизнесæн хъæугæ программæйыл. Проект конд у гыццыл дуканитæн. Уый руаджы æнцондæрæй ис цæстдарын сæйраг финансон бæрæггæнæнтæм.
Программæ амалхъом адæмæн æххуыс кæны сæ финансон хъуыддæгты – сбæлвырд кæны адæмы тынгдæр чи хъæуы, ахæм товартæ, стæй банымайы æфтиæгты бæрц. Анастасияйы проект у хорз дæнцæг, нымæцон фæлтæрдтæ чысыл бизнесæн стыр пайдайаг кæй сты, уымæн.
Царды бонæй бон фылдæр кæнынц, технологитæ кæм хъæуынц, ахæм ног къабæзтæ. Сывæллæттæн фæзынд бирæ фадæттæ сæ зонындзинæдтæ равдисынæн. Уыдоны программированийы сусæгдзинæдтимæ зонгæ кæнын у ахуыргæнджыты хæс.
10-æм къласы ахуырдзау Анастасия Морозова ныр æвзары йæ фидæны дæсныйад. Чызджы хъуыдымæ гæсгæ, бирæ азты программированийы ахуыргæнæгæйæ цы зонындзинæдтæ райста, уыдон фидæны, æнæмæнг, бахъæудзысты.
