Чиныг дзурæг у уырыссаг – бритайнаг ахастдзинæдтыл, райдай Иван Грозныйы разамынды рæстæгæй æмæ абоны онг фæуы
«Англи – Уæрæсе». Ахæм сæргондимæ чиныджы æмæ кинонывы презентаци Дзæуджыхъæуы скодтой зындгонд журналисттæ Игорь Прокопенко æмæ Армен Оганесян. Мадзал арæзт æрцыд Цæгат Ирыстоны паддзахадон университеты. Чиныг дзурæг у уырыссаг – бритайнаг ахастдзинæдтыл, райдай Иван Грозныйы разамынды рæстæгæй æмæ абоны онг фæуы. Раргом кодтой архивон, æмæ сусæг чи уыд, ахæм æрмæджытæ. Хъайтмазты Дзерассæйæн ныхасы бар.
Стыр иртасæн куыст цыд афæдз æмæ *рдæг. Цæмæй уырыссаг-бритайнаг ахастдзинæдты тыххæй киноныв сисой, уый тыххæй йæ аразджытæ иртæстой Фæсарæйнаг хъуыддæгты министрад, Уæрæсейы æдасдзинады службæ æмæ æддаг басгæрсты службæ цы сусæггонд гæххæттытæ раргом кодтой, уыдон, стæй Великобританийы национ архивы, Америкæйы Иугонд Штатты Конгрессы Библиотекæйы архивы æмæ Германийы Федералон архивы документтæ. Ахæм ахадгæ фæллойы хатдзæг – чиныг æмæ киноныв «Англия-Россия». Зындгонд журналисттæ Армен Оганесян æмæ Игорь Прокопенко Цæгат Ирыстоны паддзахадон университеты скодтой презентаци. Ацы куыстытæ дзурынц 2 паддзахады ахастдзинæдты тыххæй 16-æм æнусæй абоны онг.
Журналисттæ равзæрстой бирæ чысыл иртæст цаутæ Англи æмæ Уæрæсейы *хсæн ахастдзинæдты историйæ. Куыд загътой, афтæмæй радзырдтой, ахастдзинæдтæ æцæгæйдæр куыд арæзт цыдысты, уый тыххæй. Армен Оганесян раргом кодта, ацы арф æмæ алывæрсыг иртæст куыд цыдис, уый.
Киноныв арæзт у 10 серийæ. Цæгат Ирыстоны паддзахадон университет презентацийæн фæзæй хуымæтæджы æвзæрст не рцыд. Авторты нысантæй иу у рухстауæн. Цас хуыздæр фæсивæд зоной æппæтадæмон ахастдзинæдты истори, уыйбæрц раздæр бамбардзæн, ацы къабазы фыццаг бынаты кæй сты национ интерестæ, æмæ уыдонæн хъæуы лæггад кæнын.
