Арæзт æрцыд культурон-ахуырадон проект «Радость планеты» æххæстгæнгæйæ
Кафты ансамбль «Нартæ» æнтыстджынæй йæхи равдыста национ преми «Ход первых»-ы хореографион аивады къабазы. Конкурс уыд Санкт-Петербурджы. Арæзт æрцыд культурон-ахуырадон проект «Радость планеты» æххæстгæнгæйæ. Ахæм хатдзæгтæ æвзонг артистты къухы бафтыдысты сæ ахадгæ репетициты фæрцы. Уыдоны рæстæг алы кафты элементыл дæр лæмбынæг куыстой.
Кафт у æппæтæй арфдæр æнкъарæнтæ равдисыны хуыздæр фæрæзтæй иу. Уæлдайдæр та адæмон кафт. Æххæст вæййы райгуырæн зæхмæ уарзондзинадæй. Сæрмагондæй ирон кафт æмбæлгæ æмвæзадыл равдисыны фæндон баххуыс кодта ансамбль «Нартæ»-йæн национ преми «Ход первых»-ы гран-при райсын хореографион аивады къабазы. Конкурсы архайдта 50 къордæй фылдæр Уæрæсейы алы регионтæй. Алы ансамбль дæр равдыста æппынкъаддæр 3 номеры. Нартæ акодтой «Озрекы», «Чызджыты» æмæ «Хохаг» кæфтытæ. Уыдонæй алкæцыдæр бацахста фыццаг бынат.
Репитициты æвзонг «Нартæ» алы элементыл дæр бæлвырд кусынц, аразынц кафæн нывтæ. Рæзгæ фæлтæры иу кæны æрмæст сфæлдыстад нæ, се хсæн ис хæлар æмæ æнгом ахастдзинæдтæ.
Æвзонг кафджытæ архайынц центр «Заря»-йы. Сывæллæтты уæлæмхасæн ахуырадæн дзы ис æппæт уавæртæ. «Нартæ» арæх сæ арæхстдзинад февдисынц регионалон æмæ æппæтуæрæсеон мадзæлтты. Конкурсты æдзух бацахсынц призон бынæттæ.
Национ кафты ансамбль «Нартæ» æрмæст кубоктæ æмæ кады гæххæттытæ нæ райста, фæлæ ма аивадуарзджыты уарзондзинад дæр. Цæгат Ирыстоны кафæн къорды фæллой дзæгъæлы нæ разынд. Разæй та сæм æнхъæлмæ кæсынц ног æнтыстдзинæдтæ.
