25 марта 2025, 10:37
«Аргъæутты дуне æмæ царды æцæгдзинад» равдыст байгом республикæйы нывгæнджыты Цæдисы
Экспозицийы сты 30 мастеры авторон куыстытæ
«Аргъæутты дуне æмæ царды æцæгдзинад». Ахæм сæргондимæ равдыст байгом республикæйы нывгæнджыты Цæдисы. Экспозицийы сты 30 мастеры авторон куыстытæ. Уыимæ канд Цæгат Ирыстонæй нæ, фæлæ Цæгат Кавказы федералон зылды æндæр регионтæй дæр. Алы экспонат дæр схонæн ис аивады ирд уацмыс. Уымæн æмæ конд сты рæсугъд æрмæгæй. Зæгъдзыстæм ма уый дæр, æмæ ахæм равдыст аивадуарзджытæн йæ дуæрттæ байгом кодта 7-æм хатт. Æмæ 7-æм хатт адæмы фестын кæны аргъæутты дунейы. Мастертæн та фадат дæтты сæ курдиат парахатæй раргом кæнынæн, стæй сæ афæдзы куысты хатдзæгтæ равдисынæн.
темæмæ гæсгæ
