19 февраля 2026, 10:57
Архонкæйы станицæйы 2-æм скъолайы æвзонг волейболисттæ рамбылдтой Цæгат Ирыстоны сæргълæууæджы Кубок
Финалы спорстментæ фæуæлахиз сты сæ ныхмæлæуджытыл Елхоты 2-æм скъолайæ
Архонкæйы станицæйы 2-æм скъолайы æвзонг волейболисттæ рамбылдтой Цæгат Ирыстоны сæргълæууæджы Кубок. Финалы спорстментæ фæуæлахиз сты сæ ныхмæлæуджытыл Елхоты 2-æм скъолайæ. Æртыккаг бынат рамбулыныл ерыс кодтой Дыгуры æмæ Æрæфы районты командæтæ. Æдæппæтæй турниры архайдтой 12 командæйы нæ республикæйы алы ахуыргæнæндæттæй. Спортсменты кар уыд 13 азæй – 15 азы онг. Ерыстæ саразыныл бакуыстой Цæгат Ирыстоны ахуырады æмæ наукæйы министрад, стæй физкультурæ æмæ спорты министрад. Фæсивæды хсæн республикæйы сæргълæууæджы Кубок рамбулыны ерыстæ волейболæй сты традицион. Ацы аз нæлгоймæгты хсæн командæты ерыс цыди къуырийы дæргъы.
