филиал вгтрк государственная телерадиовещательная компания “Алания”

Сталинграды тохы 80 азы бонмæ æмæ Украинæйы сæрмагонд операцийы фарс рахæцыны кадæн Астрæхæны хæсты ветеранты регионалон советы минæвæрттæ бæрæг кæнынц Цæгат Кавказы мемориалон комплекстæ. Ацы бонты ссыдысты Цæгат Ирыстонмæ. Ветерантæ мысыдысты Беслæны трагедийы амæттæгты, стæй, дидинджытæ сæвæрдтой Дзæуджыхъæуы намысы мемориалы æнусон арты цур. Бабæрæг кодтой Фыдыбæстæйы Стыр хæсты ветеранты æппæты стырдæр номарæн комплекс – Барбашовы фæз. Фембæлды хатдзæгтæм гæсгæ, республикæйы ветеранты регионалон совет æмæ Уæрæсейы гвардийы ветеранты совет Астрæхæны делегациимæ бафыстой æмгуыстады цалдæр бадзырды.